Hmmmmmingbird

Aas paas rehti hai humesha khushbu teri yu hi,
Baaho mein bhar unhe mein bhi kabhi has leta yu hi
Meri kalpana ho tum fir bhi ban gyi ho iss jivan ki sachhai
Kitni shital pichhe tum chhod gye ho apni parchhai

Hasti thi,
Roti thi,
Par kaha soti thi.
Waqt k us lamhe mein
Na jane kitni kahaniya behti thi

Tum thi,
Me tha,
aur kuch shabd the..
Waqt mein jalte hue wo shabd
Na jane humne kaha kho diye

dhire dhire tum jo udd gyi ho yaha se
mujh ko tum lapta kar gyi ho kaha pe
na jaane kitni hai wo yaado ki gehrai,
pichhe tum jo chhod gyi ho apni parchhai..

Zara Sa Yaad Kar Aaya

Yaha waha udti hui awargi ka
haath thamkar
Bewajah yu hi jalti hui sham ka
saath pakar
Aise hi
Chand khushiyo ko mein bo kar aaya
Haa..mein tujh ko zara sa yaad kar aaya..

Ankhe band karta hoon
Aur bas
Halka sa muskurata rehta hoon
Dekho na
Kitna haseen safar lagta h,
Bas teri hi sohbat ka asar lagta hai
Aisi hi teri baato ko mein pee kar aaya
Haa.. mein tujh ko zara sa yaad kar aaya..

Chehre pe likhi sharmahat ko chhodkar
Unkahe mere lafzo ki ungli pakadkar
Aise hi
Fir se ek baar tujhe mein mil kar aaya
Haa.. mein tujh ko zara sa yaad kar aaya..

Tere unsune khyalo se milkar
“Tum bhi kya yaad karti hogi mujhe?”
Aise hi kuch sawalo ko soch kar
Mein fir se ek safar kar aaya
Haa..mein tujh ko zara sa yaad kar aaya..